Mobile Number Security Badaye SIM PIN se | SIM Lock/Unlock
Aaj ki date me har insan ke pass Mobile hai or 60% to aese hai jinke pass Double Mobile bhi hai.. Technology jese jese badti ja rahi hai hamare kaam aasan to ho rahe hai par uske sath sath jo risk hai wo bhi bad raha hai, aesa hi ek risk hai aapka Mobile Number Hack hone ka..
Security ko jitna update rakha jaye utna hi hamare liye acha rheta hai, or aap ye to jante hi hoge, Security ko double karne ke liye Banks, GMail, Facebook ya koi or service ho, OTP ka use karte hai.
OTP ke jariye hamare Mobile Number par ek code aata hai, jisko dalne par hamara account verify hota hai, uske baad open hota hai.. dekha jaye to, hamare Mobile par jo OTP aaya hai wo kisi ko naa mile to wo hamara account access nahi kar payege, bhale wo password gase kar bhi le.
Par iska ulta, agar unko hamare Mobile number par aaye OTP mil jaye to wo hamare kisi bhi account ko Hack kar sakte hai badi aasani se..
To ab aap ye to samaj gaye hoge, ki agar aapka Mobile Number Hack huaa.. or kisi ko aapke Number par aaye OTP mil jaye to wo aapke kisi bhi account ko hack kar sakte hai.. OTP Hack kaise ho sakta hai uske ware me bhi jaan lete hai.
OTP kaise Hack hota hai
OTP Hack ka matlab jo Verification ke liye SMS me code aaye wo kisi ko pata chal jaye.. iske hack hone ke tarike hai:
#1: Mobile Access mil jaye
Aapka Mobile kisi ko mil jaye, or wo usko open karke aasani se SMS me code dekh sakte hai, isse bachne ke liye aapko apna mobile kisi ko nahi dena hai or Mobile me Password laga kar rakhe.
#2: SPY App ki madad se
Agar koi aapke Mobile me SPY App install karde, uske baad bhi wo aapke message dekh sakte hai, isse bachne ke liye kisi ko apna Phone naa de or hamesa Password laga kar rakhe.
#3: SIM Laga kar Dusre Mobile me
Agar aapne Mobile me Password laga rakha hai or aap apna Phone kisi ko dete bhi nahi hai.. Fir bhi ho sakta hai kabhi aap kahi phone ko rakhe, ya aapka Phone Chori ho jaye.. to wo aapke SIM ko dusre Mobile me laga kar OTP message dekh sakte hai.
khene ka Matlab agar aapko apna OTP Hack hone se bachana hai to aapko Mobile ke sath sath SIM lock bhi karna hoga jo aap SIM PIN ki madad se kar sakte hai.
Mobile Number Lock kare SIM PIN ki madad se
SIM PIN Kya hai ?
SIM PIN Mobile SIM ki PIN hoti hai jo Mobile k pin se alag hoti hai, agar SIM ko kisi bhi mobile me lagaye ya same Phone ko restart kiya jaye to SIM ko unlock karne ke liye SIN PIN dalni padti hai.
SIN PIN se hamare number ki security badh jati hai, q ki koi bhi fir bina SIM PIN ke hamara number use nahi kar sakte.
SIM PIN kaise set kare
SIM PIN set karne ki simple process hai, iske liye aapko apne Mobile ki setting me jakar Security and PIN setting me jana hoga..
Aapka Mobile konsi company ka hai, uspar depend karta hai ye setting aapke mobile me kaha hogi.. aap dekhe, nahi to direct apne “mobile ke name se sath SIM PIN” likh kar search kare to uski setting kaha hai aapko pata chal jayega.
Ab aapko phele wali PIN Dalni hogi, agar aapne abhi tak koi PIN nahi dali hai to default PIN 0000 ya 1234 hoti hai wo dale..
Default SIM PINS
| Mobile Network | Default SIM PIN |
|---|---|
| Airtel code | 1234 |
| Vodafone code | 0000 |
| BSNL code | 0000 |
| Aircel code | 0000 |
| Reliance code | 0000 |
| Idea code | 1234 |
| Reliance jio | try 0000 or 1234 |
| Tata Docomo code | 1234 |
Aap apni Company ka SIM PIN dale, uske baad aapki SIM par Lock on ho jayega.
SIM PIN Change
SIM PIN enable karne ke baad aap unki PIN ko change kar sakte hai, uska option aapko SIN PIN enable karne ke niche hi milega, waha aapko apni Old PIN or 2 time New PIN dalni hai.
SIM Unblock kaise kare
Agar SIN PIN set hai, to jitni war bhi Mobile on hoga jis mobile me wo SIM lagi hai, 4 digit SIM PIN magi jayegi, uske baad hi Mobile on hoga or Mobile me network aayega.
Important Note: jo SIM PIN hai wo agar 3 war galat dali jaye to SIN Lock ho jati hai.
Agar 3 war galat SIM PIN Dalne ke karan SIM Lock hogai hai to uske baad PUK Number maga jayega, to agar aapko apni SIN ka PUK Number janna hai to aap costumer care call kare dusre number se uske baad apni detail bata kar verify kare, fir aapko PUK number mil jayega SMS ke jariye.
Agar PUK Number 10 war galat dala gaya to uske baad SIM permanently block ho jayegi, or fir agar aapko wahi number chaiye to aapko same document se ussi number ki SIM leni hogi.
To ab aap jaan chuke hai kaise aap apni SIM ki Security bada sakte hai, Agar aapki SIM ki security aapne set nahi ki hai to aapke jitne bhi account hai wo hack ho sakte hai.
Janiye kaise Whatsapp Hack hota hai, Facebook Hack hota hai, GMail Hack hack hota hai.
*Aapko ye jankari kesi lagi ya isse sambandit koi sabal ho to aap comment me puch sakte hai.
Comments
Post a Comment