Ghar Baithe Apne Client Ki Computer Ko Control Kaise Kare

Hi friends ! ek computer se dusre computer ko control karna bahut hi easy ho chuka hai ab aap ghar se hi dur baithe apne client ke computer ko control kar uski problem ko easily solve kar sakte hai.

Some times aapko apne client ki computer problems ko solve karna hota hai aur solve karne ke liye aapko uska computer chahiye hota hai. agar aapka client aapke office se bahut dur hota hai to aapko apne employee ko uske ghar bhejna hota hai jisme aapka bahut time barbad hota hai.

Sirf time hi nahi balki aapke paise bhi barbad hote hai aise me aap kuch kar bhi nahi sakte hai kyuki aapki client ki service ki guarantee aap khud apne sar par le rakhe hote hai aur aapko apne client ki problems ko solve karna bahut hi jaruri hota hai.

Sochiye ! agar aap kahi gaye bina hi dur baithe apne client ki problems ko solve kar le to. Ji han ab technology itni develope ho chuki hai ki ab aap milo dur baithe apne friends or client ki computer problems easily kahi se bhi solve kar sakte hai.

Teamviewer ek aisi application hai jiska use bade bade developer apne client ki computer problems ko solve karne ke liye karte hai. Ye application aapka computer aur aapke client ke computer ke bich connection banata hai jisme aapko uski window dikhai padti hai.

Teamviewer Kya Hai

Teamviewer ek computer application hai jiska use karke aap 2 computers ke bich breeze bana sakte hai aur apne computer se kisi dusre computer ko control or handle kar sakte hai. Yeh app web developers ke liye bahut hi jaruri application hoti hai.

Web developers ko aksar apne client se connection banaye rakhna hota hai aur unki choti si choti problems ko solve karna hota hai. Aise me agar koi dur ka client ka problem saamne aata hai to developers teamviewer ki help se unki pc par login karke problem solve karte hai.

Teamviewer application ko sirf problem solve karne ke liye use nahi kiya jata hai balki aap isse  apne freinds ko video call bhi sakte hai. Ish app ke free version me aapko limited features hi milte hai aur aap kuch hi der tak dusre computer ko control kar pate hai.

Ish application ko aap business purpose ke liye use kar sakte hai. Suppose aapke paas 10 logo ki team hai aur wo sabhi bahut dur dur hai to teamviewer ki help se aap ek hi waqt sabse video call par baat kar sakte hai aur apne computer file ko sabhi ko dikha sakte hai.

Apne Client Ke Computer Ko Control Kaise Kare

Friends ! aapne upar jana ki teamviewer application kya kya kar sakta hai chaliye ab mai aapko batata hu iska use kaise karte hai. Waise iska use karna bahut hi easy hai mai aapko pahle hi bata chuka hu phir bhi chaliye iske bare jaante hai.

Isko install karne aur use karne se pahle mai aapko bata dun ki isko install aap tab hi kariye jab aapko iski jarurat ho kyuki ye ek bahut hi powerful software hai aur koi bhi iska use aasani se aapke files ko stole karne me kar sakta hai isliye always alert rahiye.

Chaliye jaante hai apne client or friends ke computers ko control/acess kaise karte hai !

• First ! sabse pahle teamviewer website me jakar apne windows pc ke liye yah application download & install kariye.


• Then ! use bhi yeh software install karne boliye jiske computer ko aap control or handle karna chahte hai.


• Ab jab dono ish software ko install kar chuke hai tab aap apne teamviewer software ko open kariye aur control remote computer wale section me apne client ka teamviewer ID enter kariye.

1. Apne client ki teamviewer ID enter kariye.


2. Ab connect to partner button par click kariye.

• Teamviewer partner ID enter kar connect to partner button par click karne ke baad ek popup windows open hogi ab aapko isme apne client ki teamviewer password enter karni hai.

Teamviewer password enter karne ke baad hi aap apne client ki computer window ko apne pc par dekh sakenge. ek baar connection ho jane ke baad uske computer ka full access aapko mil jayega connection hone ke dauran dono ko internet se connect rahna jaruri hai.

So ab aap apne client ke computer se connected hai ab aap jo bhi task apne computer par karenge wo task aapke client ko bhi dikhai padegi ab aapko jo bhi problem fix karna hai wo aap easily apne computer se hi kar sakte ho.

Guys, teamviewer application type hi bahut sari application market me available hai agar aapke paas teamviewer premium version kharidne utna paisa nahi hai to aap un sabhi application ka use kar sakte hai.

Agar aap ek professional web developer hai aur aapko ish application ki jarurat baar baar padti hai to aap ishe buy kar le kyuki free version me aap limited time ke liye dusre pc se connected rah sakte hai aur ek baat ish application ki help se aap phone se bhi pc ko control kar sakte ho.