First Impression Kya Hai Aur Blog Ke Liye Kyu Hai Jaruri ?

Agar aap ek Blogger hai to aap Successful to jarur hona chate hoge, or iss Guest Post me batane ja raha hun ki kisi bhi blog ko successful banana ke liye badiya First Impression bhut jaruri hai.

* Kya aap bata sakte hai visitor kisi blog ko open karta hai to sabse pahle kya dekhta hai ?

* Ek najar me popular blog aur new blog me difference kaise pata chalta hai ?

Thoda apne najaron ko tej karen, aapko javab mil jayega.

Chaliye main bata deta hun, theme look/ theme design hi vah pahli chij hoti hai, jispar
kisi bhi visitor ki pahli najar jata hai.

Because Sabse pahle theme design hi visitor par impression dalata hai. Theme design
achchi hone par visitor aapke blog par long time tak rahega aur dubara bhi visit
karega.

Aisa isliye hota hai ki iske piche ek simple sa psychology method work karta hai, ham
insane jab koi achchi / beautiful chij dekh lete hai to usse jaldi attract ho jate hai
Jise general language me first impression kahte hai.

I am sure, aap school ke dino se apne friends par achcha impression dalane ke liye
dress se lekar apni speaking skill me improvement karte honge.

Aapka blog bhi bilkul aapke ki tarah hai, jisse bhi first impression ki jarurat padti hai,
taki vo maximum visitors ko attract kar sake.

Is first impression ke liye keval theme design se nahi, uske sath bhi kuch kuch hai jo acha hona chaiye.

iske ware me jane usse phele pahle janate hai-

Blog First Impression Kya Hai ?

Ek word me kahun to first impression kuch had tak love at first sight ki tarah hai. In details, first impression ek attractive ambiance create karta hai, jo keval visitors ke eyes ko achcha nahi lagta hai, balki ye man se lekar heart ko touch karta hai aur sath hi visitors ko acchi chijon ko yad rakhane ke liye positive request karta hai.

Blog First Impression Ke Fayade

First Impression se hone vale benefits se kisi bhi blog ko popular aur successful banaya jata hai.

1. Bounce rate low hogi aur user engagement time increase hogi.
2. Regular visitors ke number increase hoga.
3. Subscribers maximum milega.
4. Comments badhega
5. Overall Ranking aur Organic Traffic badhegi.

Blog First Impression Ke liye Jaruri Chije

#1: Theme Design

Jaisa ki maine pahle hi kah chukka hun ki sabse pahle Theme design hi visitor par first impression create karta hai. Isliye aap beautiful theme hi use kare.

Iske alava ye tips follow kare-

1. HD Logo bana kar lagaye, logo full banner ki tarah naa lagaye.
2. Sidebar me Widget ko jarurat ke anusar lagaye, non-essential widget ko hata de.
3. Theme beautiful hone ke sath Fast aur SEO optimized ho.
4. Responsive hona to aaj ki tarike me bhut jaruri hai, jo Mobile me bhi achi se open ho sake.

#2: Page Speed

Google report ke anusar aapka blog maximum 3 second me open nahi hoti hai to aapka 60% visitors lose ho sakta hai. Sath hi page speed kisi bhi post ki ranking ke liye bahut important role play karta hai.

Page speed increase karane ke liye ye tips follow kare-

1. Jetpack plugin install karen aur Speed Up Image feature enable kar den.
2. Autoptimize plugin ke dvara CSS, HTML aur Javascript ko compress kare.
3. Comment Avatar ko disable kare.
4. P3 Profiler Plugin se heavy plugin ko find kar remove kar de.
5. Blog ko Cloudflare se setup karen.

Blog ki speed badane ke Tips, jinki madad se aap site ka loading time or kam kar sakte hai.

#3: Post Title

Yadi aap UC News par likhate hai to aap janate honge ki Badiya Post Title kitana important hai.

Post title hi vah sabse pahli chij hoti hai, jise dekhkar visitor decide karta hai ki post padhe ya nahi.

Isliye post title attractive aur short banaye, jo SEO Friendly ke sath User Friendly bhi ho.

Behatar post title ke liye ye tips follow karen-

1. Post title me long tail keyword include karen
2. Question vale words dale.
3. Numbers use karen.
4. Yoast SEO plugin ki help se search engine ke liye alag title set kare. Jise web title kaha jata hai aur user ke liye alag se, jise post title kaha jata hai.

Badiya Post Title kaise likhne ke 5 Tip, phele HMH.pe share kiye gaye the aap unko bhi jarur read kare.

#4: Feature Image

Kaha jata hai, ek image thousand words ke barabar hota hai. isliye yadi feature image high quality vala ho to aksar visitors post title ki bajay feature image se impress ho kar post padhane lagte hai.

Aapko bhi high quality vale feature image create karana chahiye, jise aap Gravit.io se easily create kar sakte hai.

High Quality Image aap Free wali hi use kare, jo aap Royalty Free Image website se Download kar sakte hai. or agar aap Google se Free Image Download karna chate hai to wo kaise kare uski jankari bhi aapko mil jayegi.

#5: Quality Post

Ab tak main jis impression ki baat kar raha tha, vo external impression tha. Jiske kai work aap ya kisi ke help se easily kar sakte hai. Lekin Internal expression bhi bahut jaruri hai, jiski sabse badi factor hai, Quality Post Yadi aap quality post nahi karte hai to external impression ke liye kiya gaya all work waste ho sakta hai.

Isliye quality post likhane ke liye ye kare-

1. Popular Blogs padhe
2. Newspapaer padhe
3. News website padhe
4. Post me hard word use na kare.
5. Post me Readability ka pura dhyan rakhe
6. Complete post likhe
7. Post me related image jarur use kare.

#6: Related Post Section

Is section ka main work readers ko blog par banaye rakhana hota hai. Jisse blog ki bounce rate decrease hoti hai.

Isliye Related Post Section me Related Post Title ke sath high quality image bhi show karana chahiye.

#7: Comment Reply

Yadi aap kisi reader ke comment ko reply karte hai to reader aapse direct connect ho jata hai. Isse sabse jyada impression padta hai.

Isliye sabhi comment ka reply kare, badiya comment kaise karte hai uske liye aap iss post ko read kare.

Last Words

Aapka blog kitana jaldi successful hoga, ye keval blog par posting karane par depend nahi karta hai. Balki ye quality post ke sath blog ke first impression par bhi depend karta hai. Isliye aaj se hi blog ko bhetar se bhetar banaye rakhne ke liye bhi kaam kare..

Guest Author Bio: Ye Post Ravi Kumar ji ke duara ki gai hai jo Bloggingfirst.com ke owner hai.

Agar aapko bhi Guest Post karna hai to uski Jankari yaha hai.