Cloudflare Free SSL/HTTPS WordPress Par Kaise Setup Kare

Howdy Guys ! recent post me maine aapko ssl certificate ke bare me bataya tha umeed karta hu aapne meri wo post padhi hogi aur ssl ke bare me puri jankari apko mil chuki hogi agar aapne abhi tak meri wo post nahi padhi hai to jaldi hi use padh kar samajh lijiye kyuki bina us post ko padhe ye post aapko samajh nahi aayegi.

Google search me ranking ke liye ab aapki site me (HTTPS) ssl ka hona bahut hi jaruri hai Ish certificate se aapki website (web server) aur aapki client information ka data third part se secure kara jata hai hackers aapke website data ko chura nahi sakte hai Ssl certificate free or paid bhi hote hai aap chahe to ishe Godaddy se kharid sakte hai.

Ishe (ssl certificate) ko aap Godaddy or baki web hosting company provide karne wali website se purchase kar sakte hai par un website me iski keemat kuch jyada hi hoti hai waise security ke mamle me ye bahut hi achhi hoti hai par price inka high hota hai Godaddy website aapko iske liye 3000 rs one year ka charge karti hai.

Cloudflare par register karke aap iska (https) ka free me use kar sakte hai cloudflare aapko free cdn ke saath saath ssl certificate (https) bhi free me offer karti hai Aap meri website me check kar sakte hai mai bhi cloudflare free ssl ka use kar raha hu aur ishe use kare mujhe 1 week ho chuke hai isme aapko kisi tarah ki problem nahi hoti hai aur aapki site bina kisi error ke achhe se open hoti hai.

Imp : SSL certificate ko apne website par configure karne se pahle website ka full backup jarur le ye ssl setup karne ka most important part hai !

Cloudflare SSL/HTTPS Kya Hai

Waise to cloudflare aapko free cdn provide karti hai par ye apne users ko free cdn ke saath saath free http ssl bhi offer karti hai agar aap cloudflare ki paid cdn ka bhi use karte hai to aapko uske saath bhi ssl offer kari jati hai Internet par aapko bahut se free (https) ssl provide karne wali companies milegi par agar aap iska use free me hi karna chahte hai to mai aapko cloudflare free https ka hi use karne ki salah dunga.

Cloudflare ki lagbhag sabhi services bahut hi achhi hai mai cloudflare ki servies ka use 1 year se kar raha hu aur mujhe abhi tak isse bahut achaa result mila hai cloudflare me paid or free dono ki hi services bahut hi achi hoti hai.

WordPress Par Free Cloudflare SSL (HTTPS) Kaise Setup Kare

Apne wordpress blog par cloudflare ka free HTTPS/SSL setup karna muskil to nahi hai par mai aapko ishe step by step bataunga jisse ki aap easily ish article ko ek baar padhe sara configure khud kar le.

Step 1: Create Cloudflare Account

Sabse pahle aapko Cloudflare site me jakar khud ko register karna hai register karte waqt ye dhyan rahe ki aapko free plan hi select karna hai Free plan select karne ke baad khud ko aur apne site ko submit kar lena hai.

Agar aap cloudflare cdn ka use nahi karte hai to isme register kar iska use kar sakte hai CDN aapke website ki speed ko increase karne me help karti hai aur agar aap isme interested nahi hai to sirf account banakar Sign In kare rahiye aur niche diye step 2 ko follow kare.

Step 2: Enable SSL

Jab aap cloudflare free plan me apne website ko submit kar le tab aap phir apne Domain par click kariye ab aapko yaha crypto me click karke apne site me HTTPS setup karni hai.

1. First ! apne domain me click kar cloudflare icon ke paas wali menu me DNS ke bagal wali Crypto icon me click me click kare.


2. Second ! Crypto ki page khulegi tab Flexible select kariye.

Flexible par click karte hi aapki process request cloudflare tak pahuch jayega aur certificate ko activate hone me 10-15 minute tak lagega jab certificate puri tarah se activate ho jayegi tab Flexible ke nich Active Certificate likha hua hoga.

Step 3: Install Recommend Plugin 

Ab aapka next step apne wordpress website me Cloudflare Flexible SSL aur WordPress (HTTPS) SSL plugins ko install karna hai ab aap niche diye links se in dono plugins ko download karke apne dashboard me install kar lijiye.

Step 4: Configuration Of WordPress HTTPS Plugin

In dono plugin ko install karne ke baad ab aapko wordpress HTTPS plugin ko configure karna hai bas chota sa configuration hai jo aapko karna hai aur baki bacha cloudflare flexible plugin me aapko kuch nahi karna hai.

 

1. First ! apne wordpress navigation me HTTPS icon par click kariye.


2. Second ! Force SSL Administration par mark kariye.


3. Third ! Proxy ke saamne Yes par mark kariye aur phir setting ko save kar dijiye.

Step 5: Create Page Rule 

WordPress plugins ki settings configure karne ke baad ab aap wapas apne cloudflare account par aaiye aur yaha apna domain select karke Page Rules button par click kariye ab yaha aapko apni site ke liye do page rules create karna hai.

Dono page rules me aapko http:// ka use karna hai aur First page rules me with www ke saath aur 2nd page rules me without www ke saath url ko set karna hai aur dono page rules me settings Always Use HTTPS hi select karna hai.

Page rules me URL dalte waqt uske last me asterisk (*) add karna hai.

Ex – http://www.hinditechhelp.com/*

        http://hinditechhelp.com/*

1. Apne website ka URL (without www) enter kariye aur last me (*) add kariye.


2. Always Use HTTPS select kariye.


3. Save button par click kariye.

Save button par click karne ke baad phir ek dusra Page Rules create kariye aur usme same process se apne URL ko add kare lekin ish baar www ke saath aur phir last me (*) daal kar setting save kariye.

Sari settings ke baad aapka Page Rule kuch nich diye image ki tarah dekhegi aap image me bhi bhi dekhkar settings ko save kar sakte hai.

Step 6: Redirects URL With HTTPS

Cloudflare free ssl ki sari settings ho chuki hai ab aap apne wordpress dashboard me login kariye aur website ka default url address se HTTP remove karke HTTPS set kar dijiye.

1. WordPress me Log In kare aur phir Settings me jaiye.


2. Phir General me click kariye.


3. Ab WordPress aur Site URL me HTTPS add karke save kariye.

Finally ! ab aapki sari settings ho chuki hai aur aapke wordpress website me cloudflare free ssl certificate activate ho chuki hai ab aap apne site ko browser me open karke dekh sakte hai ki aapki website HTTPS ke saath open ho rahi hai ya nahi aur site me Green padlock show ho raha hai ya nahi.

WordPress Par Cloudflare Free SSL (HTTPS) Sahi Se Work Kar Raha Hai Ya Nahi Kaise Check Kare

Well ! aapki website par ssl/https sahi se work kar rahi ya nahi iska pata karne ke liye aap online ssl checkers tool ki madad le sakte hai internet par aise bahut se online HTTPS status checker tool available hai

Agar aapko apni site ki ssl certificate ki puri report janni hai to WhyNoPadlock me jaiye aur yaha apne website ka URL daal kar Check button par click kar dijiye Yeh website aapko aapki report ke saath HTTPS ki validity ki jankari bhi deti hai ye aapko sabhi tarah ki SSL ki report deti hai.

WordPress Me HTTPS Mixed Content Error Kaise Fix Kare

Agar Cloudflare Free HTTPS ki sari settings ke baad bhi aapki site me Green Padlock show nahi karta hai to iska matlab aapke site me HTTPS mixed content error hai jiska matlab aapki sabhi internal links me http:// lagi hui hai jinhe aapko remove karke sabhi link me https:// karna hota hai.

Plugins hamari sari problems ki hal hai aur mixed content error ko fix karne ke liye bhi aap SSL Insecure Content Fixer or Search & Replace Plugin ka use kar sakte hai waise in dono me sabse badhiya SSL Insecure Content Fixer plugin hi best hai aur chaliye mai usi ke saath mixed content error ko fix kaise karte hai batata hu.

• First ! apne wordpress me SSL Insecure Content Fixer Plugin download aur phir install kariye.


• Ab plugin setting open kariye aur phir HTTP detection option me HTTP_CF_VISITOR me tick kariye.


• Ab setting ko save kar dijiye.

Itna karne ke baad aapki site ki mixed content error fix ho jayegi yaad rahe ish plugin se internet jitne bhi sare internal links honge wo khud hi https par redirect ho jayegi aapko manually kuch karne ki jarurat nahi hai or posts ke links ko khud se modefired karne ki jarurat nahi hai

Note : – Finally ! ab apki sari settings ho chuki hai aur aapke website me cloudflare ki free ssl setup ho chuki hai ab aapko search console or webmaster tool me apni website URL ko phir se submit kark verify karna hoga aur saath hi analytics me URL ko http se https me change karna hai.

So Guys ! to ish tarah se aap apne website me cloudflare free SSL/HTTPS setup kar sakte hai agar aapko ish post se related kuch sawal puchna hai to comment kare aur post ko jitna ho sake social media me jarur share kare.